Зуны улирал эхэлсэн энэ өдрүүдэд Хан-Уул дүүргийн Тохижилт үйлчилгээний төвийнхөн зуныг өнгөлөгөөр угтах зорилт тавин ажиллаж байна. Эко дүүрэг зорилтын хүрээнд дүүргийнхээ өнгө үзэмжийг сайжруулах, эко орчинг хамтдаа бий болгохоор тохижилтын нилээдгүй ажил өрнөж байгаагийн нэг нь мод бутыг сэргээж, хэлбэржүүлэлт хийх ажил юм. Нийтийн эзэмшлийг зам талбай, цэцэрлэгт хүрээлэн, авто замын хажууд ургасан олон тооны моддоо хэлбэржүүлэн сэргээж байна.